ഒരു പാ‍ചകകുറിപ്പ്

ആര്‍ക്കും വളരെ എളുപ്പത്തില്‍ പാകം ചെയ്യാവുന്ന ഒരു പാ‍ചകകുറിപ്പ്

അഹങ്കാരം നുറുക്കിയത്- 2 കി.ഗ്രാം
പൊങ്ങച്ചം പുറന്തോട് മാറ്റിയത്- 500 ഗ്രാം
കുശുമ്പ് ചെറുതായി അരിഞ്ഞത്- 100 ഗ്രാം
ചമ്മല്‍ വറുത്തരച്ചത്- ആവശ്യത്തിന്
വിമ്മിഷ്ടം നന്നായി പൊടിച്ചത്- 50 ഗ്രാം
അസൂയ പൊരിച്ചെടുത്തത്- 1 കി.ഗ്രാം
ധാര്‍ഷ്ട്യം തൊണ്ടോടു കൂടിയത്- 10 എണ്ണം
നാണമില്ലായ്മ -10 ഗ്രാം, തലക്കനം, തലയോട് കൂടിയത്- 3 എണ്ണം
പിരിമുറുക്കം, മുറുക്കം കളയാതെ സംസ്ക്കരിച്ചത്- 100 ഗ്രാം
കൊലച്ചതി, വട്ടത്തില്‍ അരിഞ്ഞത്- 12 എണ്ണം
മുരള്‍ച്ച, ചവിട്ടിത്തേച്ചത്- 1 കി.ഗ്രാം, തെറിവിളി, ഉണക്കി വരട്ടിയത്- 1 കി.ഗ്രാം
നെടുവീര്‍പ്പ്, ആവിയില്‍ വേവിച്ചത്- 50 ഗ്രാം
ദീര്‍ഘനിശ്വാസം, നിശ്വാസം കളഞ്ഞത്- 10 ഏണ്ണം
മുറവിളി, വിളിയോടു കൂടിയത്- ഒരു വായില്‍ കൊള്ളുന്നത്
വൈരാഗ്യം, രാഗി മിനുക്കിയത്- ഒരു ടീസ്പൂണ്‍
കാലുവാരല്‍, കാലുനീക്കി ഉലര്‍ത്തിയത്- ആവശ്യത്തിലധികം
പുച്ഛം, തൊലി കളഞ്ഞത്- ഒരു ടേബില്‍ സ്പൂണ്‍